انتقدت الممثلة مريم بن مامي الظهور الأخير للفنانة إيمان الشريف في برنامج jdt على قناة الحوار التونسي واعتبرت تصريحها حول رفضها المشاركة في فيلم بالأراضي المحتلة مقابل مبلغ مالي ضخم ركوبا على الأحداث وقالت في تدوينة على صفحتها الرسمية فايس بوك أن إيمان الشريف تعودت على تلك التصرفات :”
برجولية ايمان الشريف انا كان جيت في بلاصتك راني تعبت من الركوب على الاحداث وراس اختي انا لمحالة انسالك مغرفة كيما انقولو نهارت السهرية عند ملاك صحبتنا جا؛ علاء الشابي وزوجة وانت ملي كنت اتغني عاليمين لقيتك ملوحة على علاء عاليسار وجابدتو من شيرتي وعيطت للفوتوغراف وبعثت التصويرة لصفحات الفايس بوك مع نص مضروب بالسافود وبالطبيعة عاد العنوان..”.
مضيفة :” العنوان يا سيدك بن سيدك ايمان الشريف تتدخل بالصلح بين علاء ومريم وتخرج بالطبيعة انت مولات القلب الطيب الي زعمة زعمة تحب العباد تحب بعضها الي اخره… Bon.. انت كان ناوية اتجاوب والا تسب انقلك من توا منيش بش انرجع عليك كيما مرجعتش على برشا من قبلك… ولذا يا ايمان المرة الجاية مذابيك كيف اتشوفني تعمل روحك مشفتنيش والسلام.. فما ما اهم في العالم وفي البلاد من اصلو ومحبيتش نجبدو الموضوع اما ركوبك الاخر هذا ذكرني في ركوبك على الي قبلو الي يخص علاء وملقيتلكش وقت وقتها ومحبيتش من اصلو نجبد عليه الموضوع على خاطر سبق وقلت في ستاتي من ستاتياتي الي تجري عليه لعباد معادش انحب عليه…”.