جدّت حادثة غريبة في احدى قاعات الأفراح بالعاصمة ليلة 2 سبتمبر 2023، حيث هرب عريس عن عروسه من قاعة الأفراح في ليلة الزفاف ولحظة عقد القران في غفلة منها، ليخلف ذلك صدمة في صفوف الحاضرين، وتنقل العروس الى المستشفى من هول الصدمة.
وقد تدخلت العروس “بشرى” في برنامج صباح الناس على موزاييك اليوم وتحدثت عن تفاصيل ما حدث معها، وقالت بشرى :”
“علاقتنا كانت عن حب و مخطوبين عندنا عام و كنا نستناو في النهار هذا بالدقيقة و الدرج.. جاني هزني مالحجامة للصالة و ظاهر فرحان و شطحنا و عملنا جو..قعدنا و جا العدل بش يكتبلنا الصداق.. قلي لحظة نبرّد وجهي بشوية ماء و نجي… استنينا درج درجين ربع ساعة نص ساعة و هو ما رجعش.. حتى كرهبة العرس خلاها قدام الصالة و هرب على ساقيه من غير ما يفيق بيه حد.. عايلتي و عايلتو و الضيفان قعدنا باهتين..وينو العريس ما ثماش ريحتو… لين بداو الناس يروحو بالواحد بالواحد… و انا نص الليل خرجت آخر وحدة من الصالة .. تلفونو مسكر و فايسبوكو مسكر..”.
وأضافت :”و امي دخلت للسبيطار مالصدمة ما نجمتش تتكلم… و هو لليوم ما عندي عليه حتى خبر…سمع مبعد الي الحكاية كانت محضرة مع امو و عايلتو من قبل.. حاسة بحرقة كبيرة و حبيت جيست نفهم علاش عمل هكا اكهو… الواحد في لخر يقول الحمد لله على كل حال و مكتوب و لعل فيها خير و دفعة بلا و ربي مكتبلي ما خير “.