تولت فرق النجدة و الإنقاذ و الإطفاء التابعة للإدارة الجهوية للحماية المدنية بتونس اليوم الجمعة على الساعة 05:35 صباحا التدخّل على إثر حادث مرور على مستوى طريق قمرت من منطقة المرسى يتمثل في إصطدام سيارة مدنية بشاحنة ثقيلة مما أسفر عن وفاة جميع ركاب السيارة ويبلغ عددهم 04 أشخاص (رجلان يبلغان من العمر 44و55 سنة وفتاتان تبلغان من العمر 22 و23 سنة) بالإضافة إلى إشتعال الشاحنة، والضحيتان هما طالبتان أصيلتي قفصة “وجدان ومرام” أصيلتي الرديف من ولاية قفصة.
وأثارت الصور الفيديوهات المتداولة للحادث تفاعل وتعاطف التونسيين، وخاصة بعد نشر صورة قديمة تم تداولها على بعض المجموعات الفايسبوكية والتي تظهر فيها نفس السيارة التي تعرضت إلى حادث مصحوبة بتعليق :”تبدا فادد ضاربتك السخانة تجي توقف قدامك Rs3 تشيخ علاها وتعمل جو أما كيف تفكرت الي أنا عندي سامبول عاودت فديت”.
وقد أثار ذلك تفاعل التونسيين وعلقوا :”يا لطيف يا ربي.. ملّا بلاد ! ملّا عينين ! ملّا قلوب كحلة
شعب عاميهم البغض والحسد والحساب لغيرنا
العين تدخل الجمل القدر وتدخل الرجل القبر
لا حول ولا قوه الا بالله العلي العظيم الله يرحمهم”.
وعلق أصدقاء الطالبتين :”مرام هي طالبة اصيلة معتمدية الرديف من ولاية قفصة
كانت تقرأ في تونس كملت الامتحانات و قاصدة ربي مروحة لدارهم باش تعيد معاهم باش يتلم شمل العائلة في العيد و يفرحوا الكل..
أما حكم ربي كان أقوى الكرهبة الي فيها مرام و صحبتها مش كاتبلها باش توصل لديارهم.. قص عليهم semi و وفات رحلتهم في الحياة في دقيقة..
اي نعم زعما كان جوا عارفين ارواحهم باش يموتوا و خاصة بالطريقة هاذي زعما كانوا باش يروحوا؟؟؟ أكيد لأ
مرام و صاحباتها في الكرهبة هاذيكا
ريتوا الدنيا مصغرهااا ؟؟ ريتو الإنسان قداش ضعيف و ما عندوا ما يعمل قدام حكم ربي ؟؟ ريتو نهايتنااا كيفاش تنجم تكون في أي لحظة ؟؟ “.