نشرت الإعلامية بإذاعة موزاييك أف أم جيهان ميلاد يوم أمس الأحد 14 ماي 2023 مقطع فيديو توثق فيه وضعية إجتماعية صعبة جدا لأم تعيش رفقة ابنيْها في غرفة تفتقر لأبسط مقومات العيش الكريم في سيدي عمر من ولاية أريانة، وقالت جيهان ميلاد بتأثر :”
البلاصة هذه 2 كم على أريانة.. في سيدي عمر تحديدا.. كي حكاولي على الحالة الي تعيش فيها العائلة هذه ما صدقتس قلت نجي على عيني.. شباش نحكيلكم على الوضعية.. بيت زوز متر تعيش فيها الأم وولدها مريّض وبنتها 10 سنين..
ساكنة قدام مصب زبلة وبيت بكلها ياجور تقطر عليهم .. البيت ما فيهاش باب فيها ريدو.. قتلي نبات للصباح شادة عصى نعس على اولادي خاطر يجيو يسكرو قدام الدار..”.
وأضافت جيهان :”
والله شي يوجع القلب.. أنا وأختي دايخين مالشي الي شفناه.. بنتها 10 سنين لابسة صندال في ها البرد.. لا عندهم لا ضو لا ماء لا بيت راحة.. الطفلة ولات تقطع في كرارسها معادش تحب تمشي تقرى يتنمرو عليها.. ما عندهاش لبسة.. هذا نومرو الأم الي ينجم يعاون ما يبخلش 23418071″.