نشر الإعلامي سهيل الغيداوي اليوم الثلاثاء 23 أفريل 2024 تدوينة مطوّلة تحدّث من خلالها عن تفاصيل خلافه مع الإعلامي أمين قارة وتسببه في طرده من إذاعة موزاييك منذ سنة 2013، كما أرفق الغيداوي تدوينته بمحادثات خاصة بينه وبين أمين قارة.
وجاء في نص التدوينة :”موش من طبعي او اخلاقي باش نتشمت في انسان ..
لكن لي صارلي 2013 من السيد هذا اسمه ظلم و قطع رزق ..
انا قبل رمضان بنهارين كنت حاضر كضيف مع الصديقة أميمة العياري و قلت وقتها مانيش مسامحو لا دنيا لا آخرة و وقتها الأجواء طيبة لكن هالنهارين عاوت نشرت التصريح بحكم ربي في الوجود و حسيت بالعدالة الربانية ..
نجيو للرسمي و الأهم ،
حبيت نعطيكم دليل على كلامي و موش حملة كيما قالو ،
شوفو قداش فخور على خاطر قطع رزق عبد ،شوفو قداش الانسان هذا يحط روحو وصي على اذاعة كبيرة ، شوفوه حتى بعد ما قام بالفعل متاعو مازال يعطي في التهم ..
قلك باش يرضى عليا نهار وقتلي معادش نلعب دور النجم …
هذا الكل و انا فرخ صغير فرحان و قاعد يبني في مستقبله و يكبر في حلمته و السيد هذا موجود منو برشا و في كل الميادين .. لي يقصو جوانح الناس و ما يخليوهمش يطيرو و يجنحو و يحلمو و يقدمو بحياتهم … “.