الفنان حمودة فلاح يروي ما تعرّض له من طرف أمين قارة :”حقرني وأهانني.. عمري ما ننسى” (فيديو)

أثار خبر مغادرة الإعلامي أمين قارة لقناة الحوار التونسي واعفائه من تقديم برنامج Jdt مؤخرا، جدلا واسعا في الوسط الاعلامي وعبر صفحات مواقع التواصل الاجتماعي واختلفت الأقاويل خاصة بعد إيقاف بث البرنامج المذكور.

وتعليقا على ذلك، نشر الفنان الشاب حمودة فلاح تدوينة عبر حسابه الخاص يروي من خلالها تفاصيل تعرضه للتجاهل من طرف الاعلامي أمين قارة.

وجاء فيها :”ربي يمهل و لا يهمل..

اللهم لا شماتة و ربي خذالي حقي وحق برشة ناس ظلمهم ووجعهم..

المطرود مرة عملي فازة عمري ما ننساها

وقتها انا وزني زايد ، كلمني شمس الدين باشا و قلي لازم تتعدى معانا و إنتي صوت حلو ، قتلو راني ما عينيش وخلي الفترة الجاية كي نحضر روحي نتعدى

المهم شد فيا بش نتعدى و قلي امشي للقناة و تو تلقى ” فلان ” اقعدوا احكيو في البيرو “..

مشيت في موعدي لكن هو جا ممخر ، و مغزرليش لوجهي جملة و قعد ساكت كنوع من الهرسلة ، و مبعد قلي انتي لي جايبينك بش تتعدى ؟

قتلو اي ، و انا وقتها بعين صحيحة خاطر نعرف شنية قيمتي

قلي و تحب تتعدى و انتي هكة ؟ ايا تو نكلموك

روحت ما تلفتش ورايا ، توجعت برشة اما قلت تو يجي نهار و ربي ياخذلي حقي

نهار التصوير ، يكلمني شمس الدين باشا و يقلي شبيك ماجيتش ليوم ؟

طبعا انا وقتها حكيتلو لحكاية كيمة صارت و قلتلو مستحيل نتعدى مع شخص ما يعرفش قيمتي..

و عرفت الي هو موصل لشمس انو الضيف الي جايبو هو راهو ماجاش يوم التصوير

المهم قلي شمس توا توا تجي للقناة و بش تتعدى بالسيف و انتي جاي على خاطري مش على خاطر حد

مشيت ، و انا الخشم الفوق ، و جات العين في العين مع المطرود و المكروه ، و ما سلمتش عليه في عز نجاحو ونفوذو..

لكن رفض انو هو يقدمني و انو نتعدى كضيف و لازم نتعدى في فقرة المواهب ، و طبعا اقنعني شمس انو تو هو الي يقدمني ، و قدمني بلقدا بلقدا بطريقة محترمة جدا

و تعديت 2017 كموهبة

الحمد لله انو بعد سنوات حكيتها في العلن ، بش نقول من خلال الشوية الي صارلي ، و البرشة الي صار للعباد لخرين انو الدنيا راهي تدور ، و ماهي دايمة لحد

و شمس ساعات تصير مناوشات بيناتنا ، لكن ديمة نقعد نحبو برشة و نرالو بالجميل انو ما حقرنيش في بداياتي”.