كشف الإعلامي سمير الوافي خلال استضافته في برنامج “كبر الأذان” عبر إذاعة إي أف أم عن شخصيته الخفية مؤكّدا أن شخصيته الحقيقية تختلف تماما عن ما هو عليه في الحياة اليومية فتلك الشخصية التي يظهر بها في التلفاز هي مصطنعة و ليست حقيقية و يعتبرها باردة مقارنة بالواقع أين يبدو أكثر إنفعال.
و علّق ذات المتحدّث على تصريح الصحفية التي وصفته بارد اعصاب قائلا :”في الدنيا ما عنديش برودة أعصاب، هذيكا personnage اكهو انا في الدنيا سريع الالتهاب معناها حاجة لا تطاق، نتنرفز فيسع معروف انا بالعصبية و حسّاس برشا، عندي سرعة التوتر و سرعة الرضا… الناس لي يتنرفزو فيسع هوما ناس حساسين برشا اما حسب رايي انا مانيش نجامل في روحي الناس هذوما اكثر ناس شفافية و وضوح”.
وأضاف ذات المتحدّث :”انا عندي السلطة و حزّار ومستبد خفّت شوية أما الأصل يغلب، مش مع خواتي خاطرو الوالد فس الاصل كان مستبد ياسر و خذيما منو الشي هذاك.. احنا تربينا نعرفوا الحدود و نحترموها تلقائيا أما في علاقاتي عندي سيطرة و نحب نكون سي سيد و مانحبش لي يكون عليا سيدة ولا سيدة و انا نحب نكون حزار جيت من الريف هكا ما تبدلتش تبدلت القشرة اكاهو اما القيم بقات هي هي خففت منها شوية اما الحزارة مؤمن بيها و نعتبرها من علامات الحب و الغيرة هي صفات الرجولة.. عندي أنا الي ما يغيرش رجولته إشاعة”.